15-nji dekabrda paýtagtymyzdaky Jemgyýetçilik guramalarynyň merkezinde Türkmenistanyň Demokratik partiýasynyň Syýasy geňeşiniň II maslahaty geçirildi. Oňa partiýanyň welaýat, etrap, şäher komitetleriniň ýolbaşçylary, jogapkär işgärleri, işjeň agzalary, şeýle hem köpçülikleýin habar beriş serişdeleriniň wekilleri gatnaşdylar.
Maslahatda Demokratik partiýanyň guramalarynyň Arkadag Serdarly bagtyýar ýaşlar ýylynda amala aşyran işleriniň netijelerine we öňde durýan wezipeler bilen bagly meselelere garaldy.
Arkadag Serdarly bagtyýar ýaşlar ýylynda hem Türkmenistanyň Demokratik partiýasynyň guramalary we işjeň agzalary döwlet bilen halkyň arasyndaky jebisligi pugtalandyrmakda, ýurdumyzda amala aşyrylýan syýasy-hukuk özgertmeleri durmuşa geçirmäge gatnaşmakda, milli demokratiýanyň jemgyýetdäki täsirini artdyrmakda netijeli işleri alyp barýarlar. Partiýanyň hatary bolsa yzygiderli artýar. Şunda agzalyga kabul edilýänleriň arasynda ýaşlaryň agdyklyk edýändigini aýratyn bellemek gerek. Munuň özi partiýanyň ýerlerdäki guramalarynyň işjeň hereket edip, ýaşlar baradaky döwlet syýasatynyň hem üstünlikli durmuşa geçirilmegine goşant goşmaga jogapkärçilikli çemeleşýändigini görkezýär.
Maslahatda çykyş edenler türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň taýsyz tagallalarynyň netijesinde ýurdumyzda üstünlikli amala aşyrylýan syýasy-hukuk, demokratik özgertmelere Demokratik partiýanyň işgärleriniň we agzalarynyň işjeň gatnaşyp, syýasy taýdan kämilleşýändiklerini, jemgyýetçilik bilen ysnyşykly gatnaşyklary pugtalandyrýandyklaryny bellediler.
Gülaýym ALLABERDIÝEWA,
TDP-niň Hojambaz etrap komitetiniñ statisti.
