Portugaliýanyň paýtagty bolan Lissabon şäheri 2023-nji ýylda Ýewropanyň innowasiýa paýtagty hökmünde sylaglandy. Abraýly baýrak Ýewropa Komissiýasy tarapyndan her ýyl gowşurylyp gelinýär. Lissabonyň häkimi Karlos Moedasyň pikirine görä, bu baýrak şäherde bitirilen işleriň ykrar edilmegi. Bu barada « Theportugalnews.com» habar berýär.
Häkim Karlos Moedas: «Biziň şäherimiz Ýewropanyň innowasiýa paýtagty hökmünde saýlandy. Ýewropa Komissiýasy ýaňy-ýakynda dünýäniň iň uly innowasiýa üçin berilýän baýragyny mälim etdi. Ol Lissabon! Biz bu baýragy iki ýylyň dowamynda bitiren ajaýyp işlerimiz üçin mynasyp görüldik. Indi bolsa bizi bir million ýewro baýrak bilen sylaglaýarlar» – diýip, belläp geçdi.
Şäher häkimliginiň habaryna görä, Lissabon 2021-2022-nji ýyllarda umumy girdejisi 1 milliard dollar bolan 54-den gowrak tehnologiýa kompaniýasyny we 12 sany startap kompaniýany özüne çekdi. Ýewropanyň innowasiýa paýtagty baýragynyň çäginde Warşawa ikinji, Lwow üçünji orny eýelemegi başardy.
Ýewropanyň innowasiýa paýtagty baýragy 2014-nji ýylda döredilip, her ýyl Ýewropanyň innowasiýa geňeşi tarapyndan berilýär.
Merdan ABDYREÝIMOW,
TOHI-niň Gidromeliorasiýa we oba hojalygyny mehanizmleşdirmek fakultetiniñ Tehniki hyzmatyň guralyşy we tehnologiýasy hünäriniň 2-nji ýyl talyby.
