Pişik
Pişikler arassaçyl jandar bolup, olar wagtynyň dörtden bir bölegini tüýlerini arassalamak bilen geçirýärler. Olar tüýlerinde saglyk we ýaşaýyş üçin zerur bolan D ýokumynyň bardygy sebäpli şeýle edýärler. Haýwanlaryň hemmesi diýen ýaly azaşanlarynda, öz öýlerini tapyp bilmeýärler. Bu ukyp diňe pişiklere mahsusdyr. Olar ultrases barlaglary arkaly bu işiň hötdesinden gelýärler. Pişikleriň ýene-de bir duýgur synasy olaryň murtlarydyr. Murtlarynyň kömegi bilen olar uzak aralykdaky awlaryny hem duýup bilýärler.
Itler
Bu haýwanyň haýran galdyryjy ukyplarynyň biri adamy ysgamak arkaly onuň gaýgy-aladasyny syzýandygydyr. Itlere düzüminde şokolad bolan iýmitleri bermeli däl. Şokolad olar üçin örän howply bolup, ölüm howply kesellere eltmegi mümkin. Itleriň burnunda özboluşly gaýtalanmaýan çyzyklar bar. Olar adam barmaklarynyň yzlary ýaly, itleriň her birinde özboluşly aýratynlyga eýedir. Itleriň ys alyş ukyby örän ösendir, şonuň üçin olar serhet we gümrük gulluklarynda ulanylýar.
Sygyrlar
Bu jandarlar hiç haçan hapa ýerlerdäki otlary iýmeýärler. Sygyrlaryň gözlerini ýummagy bu olaryň uklaýandyklaryny däl-de, dynç alýandyklaryny aňladýar. Olar uzak wagtlap öz daş-töweregini arassa saklamaga synanyşýarlar. Sygyrlar hiç wagt hapa, palçykly ýoldan ýöremeýärler.
Taýýarlan: Batyr BERDIÝEW,
TOHI-niň Weterinar lukmançylygy fakultetiniň Maglumat ulgamlary we tehnologiýalary taýýarlyk ugrunyň 3-nji ýyl talyby.
