«Championat.com»-yň habar bermegine görä, «Al-Nasr» toparynyň ýyldyz hüjümçisi Kristiano Ronaldonyň şanyna muzeý döredilip, bu muzeý Er-Riýad şäherinde ýerleşýär. Sergi oýunçynyň karýerasyndaky iň möhüm pursatlar barada gürrüň berýär.
Şeýle-de Portugaliýaly futbolçy täze muzeýe baryp, bu ýerde özüniň mumdan ýasalan heýkeli bilen tanyşdy. Ronaldo instagram sahypasy arkaly: «Bu meniň taryhym. Madeýradan başlap, Saud Arabystanyna çenli» diýen ýazgyny paýlaşdy.
Ronaldonyň janköýerleri egin-eşik, şahsy baýraklar we aýakgap ýaly ýadygärlikleriniň ýeke-täk ýygyndysyny bu ýerde öwrenip bilerler. Şeýle hem muzeýde hüjümçiniň birnäçe kuboklarynyň we medallarynyň nusgalary, şol sanda 5 sany «Ballon d’Or» baýragy ýerleşdirilipdir.
Ronaldo 2023-nji ýyldan bäri «Al-Nasr» -da oýnap, onuň klub bilen baglaşan şertnamasy 2025-nji ýyla çenli dowam edýär.
Bagtyýar DAGDYÝEW,
TOHI-niň Weterinar lukmançylygy fakultetiniň Weterinar lukmançylygy hünäriniň 4-nji ýyl talyby.
