«Gazeta.ru» -nyň habar bermegine görä, AnTuTu bençmarkynyň soňky maglumatlaryna görä, Honor-yň eplenýän flagmany Magic V2 iň gowy görülýän Android smartfonlarynyň reýtinginde birinji orny eýeledi.
Şu ýylyň noýabr aýynyň başynda geçirilen pikir alyşmalaryň gelen netijesine görä, çeýe ekranly bu gajet ulanyjylardan 96,15% oňyn ses aldy. Onuň yzyndan 95,78% ses bilen Samsung Galaxy S23 Ultra gelýär. Üçünji orny bolsa 95,45% bilen ýene çeýe ekranly smartfon Xiaomi MIX Fold 3 eýeleýär.
Bu netijeler diňe bir sarp edijileriň arasynda çeýe ekranlaryň meşhurlygynyň artýandygyny görkezmek bilen çäklenmän, eýsem, Samsung we Xiaomi ýaly tehnologiýa ägirtlerinden öňe geçmegi başaran Honor-yň önümleriniň ýokary hillidigine şaýatlyk edýär.
Ýazgeldi HALYŞOW,
TOHI-niň Weterinar lukmançylygy fakultetiniň Oba hojalygynyň guralyşy we dolandyrylyşy kafedrasynyň mugallymy.
