«Vgtimes.ru» -nyň habar bermegine görä, meşhur aýdymçy we aktýor Jared Leto Nýu-Ýorkdaky «Empire State Building» binasynyň depesine täze altynjy albomyny goldamak üçin «30 Seconds To Mars» atly dünýä syýahatynyň başlanmagynyň hormatyna 102 gatly binanyň diwary bilen dyrmaşyp iň depesine çykdy. Aýdymçynyň gastroly 2024-nji ýylyň martyndan-sentýabry aralygyna çenli dowam eder.
Jared Leto binanyň gündogar tarapy boýunça 86-njy gatdan iň soňky gatyna çenli aralygy takmynan 20 minutda geçipdir. Soňra 381 metrlik binanyň çür depesinde aýdymçy täze albomyndan aýdym ýerine ýetirdi.
Hökmany bellemeli zatlaryň biri-de, 51 ýaşyndaky sazanda şäherdäki iň meşhur belent binalaryň biriniň diwaryna çykmaga resmi taýdan rugsat berlen ilkinji adamdyr. Leto munuň gyzyklydygyny boýun aldy, ýöne dyrmaşmak çydamlylygy we tutanýerliligi talap etdi. Şeýle-de, Jared Letonyň wideo şekiline tomaşa etmek isleseňiz, «Empire State Building» -iň Instagramdaky resmi sahypasyndan synlap bilersiňiz.
«TürkmenGazet».
