Argentinaly meşhur ýyldyz Lionel Messi 2022-2023-nji möwsüminiň jemi boýunça «Inter Maýami» amerikan toparynyň iň gowy oýunçysy diýlip ykrar edilendigi barada «gazeta.ru» habar berýär.
Messi 2 ýyl Fransiýanyň «PSŽ» toparynda çykyş edeninden soňra şu ýylyň tomsunda «Inter Maýamä» geçdi. Ýatlap geçsek, Messi şu ýylyň 20-nji awgustynda Amerikada ilkinji kubogyny ýagny, Liganyň kubogyny gazanmagy başarypdy. Klub üçin 14 oýundan soň Messiniň hasabynda 11 gol we 5 netijeli geçirim hasaba alynýar.
Bilşimiz ýaly, şu ýylyň 30-njy oktýabrynda hem argentinaly hüjümçi karýerasyndaky sekizinji «Altyn topy» gazandy.
Guwançbek ABDULLAÝEW,
TOHI-niň Gidromeliorasiýa we oba hojalygyny mehanizmleşdirmek fakultetiniň Gidromeliorasiýa hünäriniň 3-nji ýyl talyby.
