Aýdym-saz äleminiň iň abraýly baýragy hasaplanýan «Grammy» baýraklarynyň dalaşgärleri mälim edildi. 2024-nji ýylyň fewralynda gowşuryljak 66-njy «Grammy» baýraklaryna SZA ady bilen meşhur bolan Solana Imani Rowe iň köp nominasiýa boýunça dalaşgär görkezildi. 34 ýaşyndaky zenan aýdymçy 9 ugurdan «Grammy» baýragyna dalaş eder.
Fibi Bridjers, Serban Genea, Wiktoriýa Mone ýaly aýdymçylar 7 nominasiýa boýunça «Grammy» baýragyny gazanmak üçin bäsleşerler. Şeýle-de, Taýlor Swift, Maýli Saýrus, Billi Aýliş, Oliwiýa Rodrigo ýaly dünýä belli zenan aýdymçylar 6 nominasiýa boýunda dalaşgärlige hödürlendi. Amerikaly aýdymçy Wiktoriýa Moneniň «Hollywood» atly şekilli aýdymynda ejesiniň aýdymyna kiçeňräk goşant goşan 2 ýaşyndaky Hazel Mone bolsa iň ýaş dalaşgär hökmünde hasaba alyndy.
Aýdym-sazyň pop, rok, rep, jazz, kantri, R&B, tans we elektronika, alternatiw aýdym-saz ýaly dürli görnüşleri boýunça solo, duo, albom, ýerine ýetiriş ýaly ugurlardan ýeňijiler sylaglanar. 66-njy «Grammy» baýraklarynyň ýeňijileri 2024-nji ýylyň 4-nji fewralynda Los Anjelesdäki geçiriljek dabarada öz ýeňijilerine gowşurylar.
Täzegül TOÝÇYÝEWA,
Berdimuhamet Annaýew adyndaky Arkadag şäher mugallymçylyk orta hünär okuw mekdebiniň 1-nji ýyl talyby.
