«Womanel.com»-yň habar bermegine görä, amerikaly meşhur zenan aýdymçy Taýlor Swift milliarderleriň sanawyna goşuldy. «Grammy» baýragynyň eýesi Swift sap girdejisini 1,1 milliard dollara ýetirip, ol 17-nji martda badalga alan «The Eras Tour» konsert saparynyň çäklerinde şeýle görkezijä eýe bolmagy başarypdyr.
Rihanna, Jaý Z we Beýonsa ýaly ýyldyz aýdymçylaryndan soňra milliarderler sanawyna Taýlor Swift hem goşuldy. Meşhur aýdymçy karýerasynda birnäçe abraýly baýraklaryň we rekordlaryň eýesi bolandygyny bellemek zerur.
Ýatlap geçsek, 2019-njy ýylyň awgust aýynda «Forbes» žurnaly 185 million dollar girdejisi bolan aýdymçyny dünýäde iň köp girdeji gazanýan aýdymçy diýip mälim edipdi. Şeýle-de, 2022-nji ýylyň noýabrynda Swift «American Music Awards» -yň birbada alty nominasiýasynda ýeňiş gazanypdy.
Jeren ÖRÄÝEWA,
Türkmenistanyň Döwlet energetika institutynyň Sanly tehnologiýalar we kiberhowpsuzlyk fakultetiniň Maglumat howpsuzlyk hünäriniň 2-nji ýyl talyby.
