Amerikaly aýdymçy Taýlor Swift «Billboard Music Awards – 2023» baýragynyň 20 nominasiýasynda dalaşgär görkezildi. Swift ýerine ýetiriji we aýdymlaryň awtory «Iň gowy artist», «Iň gowy zenan aýdymçy» kategoriýalarynda, şeýle-de «Iň köp satylan artist», «Iň gowy kantri-artisti», «Iň gowy kantri-aýdymçysy» kategoriýalarynda, «Anti-Hero» aýdymy bäş baýraga, şol sanda «Iň gowy Hot 100 aýdymy» nominasiýasynda dalaş edýär.
Nominasiýalaryň sany boýunça ikinji orunda amerikaly kantri-aýdymçysy Morgan Uollen we soul-aýdymçysy SZA, üçünji orunda The Weeknd durýar. Repçi Drake we kantri-sazandasy Zak Braýan 14 kategoriýada görkezildi. Olaryň yzyndan Lýuk Kombs, Savage, Metro Boomin, Maýli Saýrus, Beýonse, Rema, Bad Bunny, Peso Pluma, Grande, Dawid Guetta, Eslabon Armado, Kerol Ji, NewJeans hem-de Selena Gomez gelýär.
Emin agzalaryň gelen netijesi boýunça Taýlor Swift «Billboard Music Awards» baýraklarynyň sany boýunça Drakeden öňe geçip biler. Häzir onuň hasabynda 23 baýrak, repçi Drake-iň hasabynda bolsa 27 baýrak bardyr. Nobatdaky baýrak gowşurylyş dabarasy şu ýylyň 19-njy noýabrynda geçiriler.
Aýsoltan AKYÝEWA,
S.A.Nyýazow adyndaky TOHU-nyň Türkmenabat agrosenagat orta hünär okuw mekdebiniň Dokma önümçiligi hünäriniň 1-nji ýyl talyby.
