Şu ýylyň 9-10-njy noýabrynda IT, Telekommunikasiýalar we Teleradioýaýradyş boýunça «Turkmentel – 2023» atly halkara sergi we ylmy maslahat geçiriler. Nobatdaky forum «Connect. Innovate. Commerce» şygary astynda geçiriler.
Foruma Türkmenistanda kabul edýän tarapyň we aragatnaşygy ýola goýmak we iş alyp barmak üçin halkara maglumat-aragatnaşyk tehnologiýalary pudagynyň ýokary wezipeli adamlary ýygnanar.
«Türkmenaragatnaşyk» agentligi tarapyndan guraljak ylmy maslahat täze tehnologiýalary hödürlemek bilen özara maslahatlaşmak, aragatnaşygy ýola goýmak işini ýeňilleşdirmek we hyzmatdaşlygy ilerletmek üçin amatly giňişlik bolup hyzmat eder. Ylmy maslahatyň maksatnamasy halkara hyzmatdaşlyk we maýa goýum, sanlaşdyrma, hemra tehnologiýalary we kiberhowpsuzlyk meselelerine gönükdiriler.
Maglumat-kommunikasiýa tehnologiýalarynyň sergisi bu ugurda täzeçillikleriň, programma üpjünçiliginiň, IT-hyzmat kompaniýalarynyň we maslahat beriş hyzmatlarynyň giň gerimini hödürlär. Bu hünärmenleriň, bilermenleriň bir-biri bilen duşuşmagy, täze önümleriň çykarylyşyny mahabatlandyrmak ýa-da olaryň bazarda synaglaryny yglan etmek mümkinçiligi, bäsdeşleriň ösüş derejesi barada bilmek üçin üýtgeşik özboluşly ajaýyp çäre. Gysgaça aýdylanda, bu hünärmenleriň özara habarlaşyp, trendleri kesgitlemegi üçin iş meýdançasydyr.
Gülçahra KARAÝEWA,
S.A.Nyýazow adyndaky Türkmen oba hojalyk uniwersitetiniň mugallymy.
