Bu gün biz durmuşymyzy el telefonsyz, planşetsiz, iş orunlarymyzy bolsa kompýutersiz göz öňüne getirmek kyn. Hakykatdan-da, durmuşymyzyň ähli taraplaryna giňden ornaşdyrylýan tehnologiýalaryň ösmegi bilen durmuş hakykatymyz hem özgerýär. Hödürlenýän täze-täze enjamlar dürli giň mümkinçilikleri döredýär. Häzir size sanly dünýäniň täzeligi – iPhone 15 smartfonynyň käbir syrlaryny beýan ederis.
USB-C portuna eýe bolan täze iPhone 15 smartfony başga bir ykjam gurluşa zarýad bermeli bolsa, daşarky akkumulýator hökmünde hem ulanylyp bilner. iPhone 15 smartfony Lightning interfeýsini ulanýan has köne iPhone-a birikdirilende, iPhone 15 köne iPhone smartfonyna zarýad berer. Haýsysynyň zarýad derejesiniň ýokarydygyna garamazdan, hemişe iPhone 15 has köne iPhone-a zarýad berer.
Eger siz iPhone 15-i başga bir iPhone 15-e birikdirseňiz, iki telefon biri-biri bilen arabaglanyşyp, haýsy telefonda batareýanyň azdygyny kesgitlär. Mundan başga-da, iPhone 15 şeýle funksiýany göterýän Android smartfonlary bilen hem şol prinsipde işläp biler.
Ýöne beýleki gurluşlara zarýad berlende kuwwatlylyk derejesi 4,5 Wt bilen çäklenýär.
Kuwwat AŞYROW,
TOHI-niň Weterinar lukmançylygy fakultetiniň Maglumat howpsuzlygynyň menejmenti (oba hojalygynda) hünäriniň 2-nji ýyl talyby.
