Ýakynda Hytaýyň gündogaryndaky Szýansu welaýatynyň Suçjou şäherinde akylly ulag ulgamlary (ITS) boýunça 29-njy Bütindünýä Kongresi açyldy. Kongres ITS pudagyndaky ähmiýetli halkara forumlaryň biri bolup, bu ugurda ösen tehnologiýalary we önümleri görkezmek üçin iň uly platformadyr.
Dünýä möçberinde uly ähmiýete eýe bolan bu çäräniň dowamynda dünýäniň akylly ulag tehnologiýa enjamlarynyň, akylly awtoulaglaryň, akylly dolandyryş we ýol gözegçilik ulgamlarynyň iň täze modelleri görkeziler. Geçirilýän bütindünýä kongresiniň geçirilýän umumy meýdany 22,5 müň inedördül metre barabar bolup, oňa 38 ýurduň 8 müňden gowrak wekilleri gatnaşýarlar.
5 gün dowam etjek bu kongresiň dowamynda forumlar, sergiler, tegelek stol maslahatlary, tehniki we medeni alyş-çalyş dabaralary, şeýle-de akylly ulag bilen baglanyşykly birnäçe çäreler geçiriler.
Şazada EREŞBAÝEWA,
S.A.Nyýazow adyndaky Türkmen oba hojalyk uniwersitetiniň 3-nji ýyl talyby.
