«Forbes» işewürlik žurnalynyň habar bermegine görä, Saud Arabystanynyň «Al-Nasr» toparynyň portugaliýaly hüjümçisi Kristiano Ronaldo 2023-nji ýylda dünýäde iň köp girdeji gazanan futbolçy bolmagy başardy. 38 ýaşyndaky meşhur futbolçy, takmynan, 260 million dollar gazanyp, 200 million dollary sport bilen bagly, galan 60 million dollary bolsa mahabat şertnamalaryndan gazanypdyr.
«Inter Maýami» -niň argentinaly hüjümçisi Lionel Messi sanawda ikinji orny eýeleýäp, ol 135 million dollar gazanypdyr. Üçünji orunda bolsa «Al-Hilýal» -yň braziliýaly hüjümçisi Neýmar 112 million dollar gazanyp sanawda öz ornuny aldy. Sanawyň ilkinji onlugyna aşakdaky ady agzalan futbolçylar girmegi başardy:
- Kilian Mbappe;
- Karim Benzema;
- Erling Holand;
- Mohamed Salah;
- Sadio Mane;
- Kewin De Brýoýne;
- Garri Keýn.
Gaýgysyz ATAJANOW,
TOHI-niň Agronomçylyk fakultetiniň Agronomçylyk hünäriniň 1-nji ýyl talyby.
