Iki sany sögüşýän kişiň akyllysy günäkärdir.
Gahar-gazaba gaplanan çagyň geplemegem, hereket etmegem bolmaýar.
Sähel zada tersleşjek bolup durmak ugursyz kişileriň häsiýetidir.
Gahar gazabyňa däl-de, akylyňa gulak goý!
Gahar-gazap, ýaramaz ýoly salgy berýändir.
Gahar gysga wagtlaýyn akylsyzlykdyr.
Hakykatdanam, akylly-başlylygyň ýok ýerinde goh-galmagal başlanýar.
Gahar-gazaba düşeňde ony ýuwutmagy borç hasapla!
Gaharly wagtyň hiç zada baş goşma!
Tupanda gämä münýän adam samsykdyr.
Çig eden işiňe ökünmek gowy zat,
Asla ýaramaz iş etmezlik bolsa has gowy.
Şer işe ýar bolanlaryň ömri howsalada geçer.
Azmy, köpmi parhy ýok, şer işi etmezlik gerek.
Duşmanyňy aýtmasyz zady dostuňa-da aýtma.
Aýdylmadyk syry eşitmedik kişiden gowy saklap biljek ýokdur.
Kim bilen we näme hakda gürrüň edýänligiň barada ýygy-ýygydan oýlanyp gör.
Bir zat barada habardardygyň üçin öwünme, şol zat barada dymyp bilýänligiň üçin buýsan!
Kişiniň syryny açmak biedeplikdir, öz syryňy açmak samsyklykdyr.
Köp gepleýäni tebigatam halaýan däldir.
Toplan: Gülpamyk ÝAZMUHAMMEDOWA,
TOHI-niň Weterinar lukmançylygy fakultetiniň Maglumat ulgamlary hünäriniň 3-nji ýyl talyby.
