«SpaceX» kompaniýasynyň ýolbaşçysy Ilon Maska Bakuwda geçirilen 74-nji Halkara astronawtika kongresde 2023-nji ýylyň IAF Bütindünýä kosmos baýragy gowşuryldy.
Bu baýrak kosmos gözlegleri pudagynda dünýädäki iň abraýly baýraklaryň biri hasaplanýar. Ol kosmos ylmynyň, tehnologiýalaryň, lukmançylygyň, kanunçylygyň ýa-da dolandyryşyň ösüşine goşan goşandy hem-de bütin dünýäde kosmonawtikanyň ösüşine uly täsiri üçin şahsyýetleri ýa-da toparlary ykrar edýär.
Baýragy esaslandyryjylar Ilon Maskyň kosmosy özleşdirmäge goşan goşandy bilen tapawutlanandygyny belleýärler.
Topar üçin IAF Bütindünýä kosmos baýragy Jeým Uebb kosmos teleskopynyň (JWST) taslamasy boýunça bilelikdäki tagallalary üçin NASA, Ýewropanyň kosmos agentligine (ESA) hem-de Kanadanyň kosmos agentligine (CSA) berildi.
Serdargeldi GÖKIÝEW,
TOHI-niň Gidromeliorasiýa we oba hojalygyny mehanizmleşdirmek fakultetiniň Gidromelioratiw işleriň tehnologiýasy kafedrasynyň mugallymy.
