Beýik Britaniýaly zehinli suratkeş we bezegçi Hloýa Jordanonyň ezber elleriniň döredýän keşdeleri köpleriň ünsüni özüne çekýär. Keşdelerdäki ösümlikleriň we jandarlaryň şekilleri edil janly ýaly görünýär.
Zehinli zenanyň el işlerindäki reňkleriň özboluşly sazlaşygy ony synlanlarda 3 ölçegli täsiri döredýär. Hloýa döredýän sungat eserlerinde zerur reňk utgaşygyny almak üçin bir wagtyň özünde birnäçe iňňeden peýdalanylýar.
Şeýlelikde, mata bölekleriniň ýüzünde peýda bolýan suratly gaýmalar güberçek görnüşe eýe bolýar. Ýüpek sapakdan gaýalan, göwrümi oýmakdan uly bolmadyk şekilleri synlanyňda, keşdeleriň inçelik bilen ýerine ýetirilendigine göz ýetirýärsiň. Maglumatlara görä, bir işi tamamlamak üçin bar wagtyny we güýç-gaýratyny, yhlasyny siňdirip, 3 aý zähmet çekýär.
Meýlis ŞÖHRADOW,
TOHI-niň Oba hojalyk ekinleriniň seçgisi we tohumçylygy hünäriniň 1-nji ýyl talyby.
