2023-nji ýylyň 2-nji oktýabryndan başlap, Oslo we Stokgolm şäherlerinde halkara derejesindäki iň abraýly baýraklaryň biri bolan Nobel baýragynyň medisina we fiziologiýa ugrundaky ilkinji eýeleri asly wengriýaly Katalin Kariko we amerikaly Drýu Waýsman boldy.
Bu iki alym COVID-19 garşy oýlap tapan «мРНК» waksinasy üçin 2023-nji ýylda halkara Nobel baýragynyň medisina ugrunda eýeleri bolmagy başardylar. Metbugatyň berýän beýanatyna görä, nobatdaky ýeňijileriň ikisiniň açyşlary 2020-nji ýylda başlanan pandemiýa döwründe COVID-19 garşy sanjymlarynyň işlenip düzülmegi üçin möhüm ähmiýete eýe bolandygy nygtalýar. Nobel baýragynyň laureatlary özleriniň ýüzlenmesinde: «Tehnologiýa adamyň durmuşynda nähili möhüm orna eýedigini ýene-de bir gezek görkezdi» diýip belläp geçdiler.
Baýrak gowşurylyş dabarasy 3-nji oktýabrda fizika, 4-nji oktýabrda himiýa, 5-nji oktýabrda edebiýat boýunça Nobel baýragynyň ýeňijileri mälim ediler. 6-njy oktýabrda parahatçylyk boýunça Nobel baýragynyň ýeňijisi kesgitlener. 9-njy oktýabrda bolsa 1968-nji ýylda Şwesiýanyň Döwlet banky tarapyndan döredilen Ykdysadyýet boýunça Alfred Nobel baýragynyň eýesi yglan ediler.
Halkara Nobel baýragy medisina, fizika, himiýa, ykdysadyýet, edebiýat we jemgyýetçilik işi ugrunda öz işleri bilen tapawutlananlara gowşurylýar. Sowgat gowşurylyş dabarasynda baýragyň eýelerine diplom, altyn medal we pul baýraklary gowşurylýar.
Dilnoza MUHADOWA,
Türkmenistanyň Daşary işler ministrliginiň Halkara gatnaşyklary institutynyň 4-nji ýyl talyby.
