Gün Ýeriň ýagtylyk we ýylylyk çeşmesidir.
Akmaýanyň ýoly galaktikasynda jemi 200 milliard ýyldyz bolup, şolaryň biri-de Gündür.
Milliardlarça ýyldyzyň, planetalaryň we beýleki asman jisimleriniň emele getirýän toplumyna galaktika diýilýär. Iň uly galaktikadaky ýyldyzlaryň sany 3 trillion töweregi diýlip çaklanylýar. Her galaktikada, ortaça, 200-300 milliard ýyldyz bolýar.
Galaktikalaryň merkezinde ýyldyzlar bolup, olaryň töweregini yzygiderli aýlanýan gaz we bulutlar emele getirýär. Her bir ýyldyzyň daşynda bolsa planetalar we beýleki asman jisimleri bolýar.
Biziň planetamyzyň ýerleşýän galaktikasyna Akmaýanyň ýoly diýilýär. Beýleki uly galaktikalarda bolşy ýaly Akmaýanyň ýolunda hem merkezdäki ýyldyzlar has uly ýaşly, olaryň reňki gyzyl we sary. Çetki ýyldyzlar has gyzgyn we gök reňkli bolýar.
Günüň ýüzündäki gyzgynlygyň 5500 derejedigi çaklanylýar.
Gün şöhlesi Ýere 8 minutdan gowrak wagtda gelip ýetýär. Şol sebäpli ir bilen Günüň dogan wagty oňa seretseňiz, gözüňizi gamaşdyrmaz. Sebäbi ony görýän hem bolsaňyz, Ýere gelip ýetmändigi üçin onuň şöhlesi gözüňi gamaşdyrmaýar.
Gülşat ÇETILIÝEWA,
Türkmenistanyň DIM-niň Halkara gatnaşyklary institutynyň Halkara žurnalistikasy fakultetiniň talyby.
