Real Madridiň ähli resmi sosial torlaryndaky abunaçylarynyň sany 500 milliona ýetdi diýip, «championat.com» saýty habar berýär.
Bu görkeziji bilen Real Madrid dünýäniň sosial ulgamlarynda jemi ýarym million abunaçysy bolan ilkinji sport guramasy boldy. Ispaniýanyň kluby dünýäde ortaça 8,9 million görkeziji bilen dünýäde iň köp girilýän web sahypadyr.
Maglumat hökmünde belläp geçsek, Real Madrid (ispança doly ady: Real Madrid Club de Fútbol) Ispaniÿa Milli ligasy La Ligany düzüminde çykyş edýän Madrid şäheriniň futbol komandasydyr.
Real Madrid 1902-nji ÿylda döredilýär. Bu klub 1920-nji ÿylda Ispaniÿa karoly Alfonso XIII tarapyndan goldaw berilýänligi üçin «Royal» ýagny «karollyk» komandasy hökmünde-de bilinýändir (Komandanyň emblemasynda karollyk täjiniň şekili bardyr). 1947-nji ÿyldan bäri 81044 janköÿerli Madrid şäherindäki Santiago Bernabéu stadiony Real Madridiň futbol duşuşyklaryny geçirýän ýeridir. Real Madrid beýleki köp Ýewropa futbol komandalaryndan tapawutlydyr, sebäbi klub bir milliarderiň ýa-da bir şereketiň eýeçiliginde bolman, özi-özini dolandyrýar.
Guwanç ALLAKOW,
Türkmenistanyň Döwlet energetika institutynyň 3-nji ýyl talyby.
