Hytaýda Redmi Redmi Note smartfonlarynyň täze nesli bolan – Redmi Note 13-i hödürledi. Bu hataryň başyny Redmi Note 13 Pro + çekdi, modeliň esasy aýratynlygy 200 megapiksel kamerasynyň bolmagydyr.
Redmi Note 13 Pro + esasy kamerasynyň baş modulynda 200 megapikselli Samsung ISOCELL HP3 datçigi bolup, onuň giň burçly linzaly F / 1.65 draýwer we optiki durnuklaşdyryş ulgamy bilen üsti ýetirilýär. Öň kamerasy 16 megapiksel.
Redmi Note 13 Pro + diagonaly 6,67 dýuým we 1,5K durulykda egri OLED ekrany aldy. Iň ýokary ýagtylygy 1800 kd / inedördül metr, PWM sazlaýyş ýygylygy 1920 Hz. Ekrany ilkinji gezek, has gymmat flagmanlarky ýaly, berk Gorilla Glass Victus çüýşesi goraýar.
Täze önümiň enjam platformasy SoC MediaTek Dimensity 7200 Ultra. «AnTuTu» -da smartfonyň öndürijiligi 800 müň baldan sähel ýokary. 4000 mm2 meýdany bolan bugaryş kamerasy SoC-ni sowatmak üçin jogapkärdir. Ýokarky wersiýasynda 16 Gb RAM we 512 Gb fleş ýady bar. Täze hödürlenen model IP68 goragly Redmi setirinde ilkinji boldy. Smartfon konfigurasiýasynda Wi-Fi 6 adapteri, NFC çipi, stereodinamikalar we IK şöhlelendirijisi hem bar.
Redmi Note 13 täze «akylly zarýad beriş mehanizmini» göterýän täze nesliň çalt zarýad beriş ulgamyna eýedir. Bu ulgam diňe bir smartfona çalt zarýad bermäge mümkinçilik bermän, eýsem, akkumulýatoryň hyzmat ediş möhletini-de ep-esli uzaldýar. 19 minutda smartfona 100% zarýad bermek mümkinçiligine eýe bolup, 1000 siklden soň bolsa öndüriji akkumulýatoryň galan sygymynyň 90%-den ýokary boljakdygyny kepillendirýär.
Dilber MYRADOWA,
Türkmenistanyň Inžener-tehniki we ulag kommunikasiýalary institutynyň Ykdysadyýet we dolandyryş fakultetiniň Ykdysadyýet we dolandyryş hünäriniň 4-nji ýyl talyby.
