Ylmyň köki ony islemek, miwesi ybadatdyr. Takwalygyň köki ony islemek, miwesi sagadatdyr (bagtdyr). Mürewwediň (adamkärçiligiň) köki haýa, miwesi halallykdyr, ruhubelentligiň köki päklik, miwesi yzzatdyr. Hikmetiň köki adalat, miwesi ynamdarlykdyr.
* * *
Akyl iň gözel zynat, ylym iň ýagşy baýlykdyr.
* * *
Miras galjak iň ýagşy zat ylymdyr. Ylyma görä edilen amal abraý-mertebedir.
* * *
Düşünjesizlik bir ulagdyr, ony münen büdrär, ýanyndan ýörän (idip äkiden) azaşar.
* * *
Düşünjesizler bilen jedele girmek, iň gelşiksiz işdir.
* * *
Edebiň gözelligi, nesil-nesebiň ýaramazlygyny örtýär. Bilmeýän adam gutulmaz. Bilýän adam betbagt galmaz.
* * *
Kejir alym hiç zat bilmeýän hoşamaýdan ýüz esse haýyrlydyr.
* * *
Ýagşylygy bilmezlik, iň ýaman alamatdyr.
* * *
Çagalygynda öwrenmedik, ulalanda iş oňarmaz.
* * *
Akyl iň mäkäm esas, takwalyk iň zynatly lybasdyr.
* * *
Akyldan gowy halypa bolmaz, adyllykdan ýagşy goragçy.
* * *
Akylly amalyna bil baglar, akmak emeline.
* * *
Akylly kalby we aňy bilen, nadan gözi we nebsi bilen sereder.
* * *
Ylym egsilmeýän uly hazynadyr. Akyl hiç solmaýan täze lybasdyr.
* * *
Dowamly okamaýan we janyny aýaýan, özüni ýadatmaýan adam ylymly bolup bilmez.
* * *
Edep baýlyk, oňa görä amal etmek kämillikdir.
Taýýarlan: Mähri JUMAÝEWA,
TOHI-niň Oba hojalygynyň meliorasiýasy kafedrasynyň uly laboranty.
