Braziliýanyň milli ýygyndysynyň hüjümçisi Neýmar 2026-njy ýyldaky Dünýä çempionatynyň saýlama tapgyrynda Boliwiýanyň milli ýygyndysy bilen geçirilen duşuşykda dubl bilen tapawutlandy. Duşuşykda braziliýalylar garşydaşlaryny 5:1 hasabynda ýeňmegi başardylar.
Hüjümçi Braziliýanyň milli ýygyndysynyň düzüminde 79 gola adyny ýazdyryp, bu görkeziji boýunça milli ýygyndy toparynda karýerasynda 77 pökgi geçiren meşhur futbolçy Peleden öňe geçdi.
Pele 91 oýunda, Neýmar 125 oýunda bu görkezijilere ýetendir. Braziliýanyň ýygyndysy Dünýä Kubogynyň saýlama tapgyrynda 35 oýundan bäri ýeňilmän gelýär. Bu görkeziji iň ýokary 2-nji netijedir. Ispaniýanyň ýygyndysy 66, Germaniýanyň ýygyndysy 36 oýunlap, ýeňilmän bu ugurda öňdäki 2 orny eýeleýärler.
Saparmyrat ANNAÝEW,
Türkmenistanyň Döwlet energetika institutynyň talyby.
