«Ria.ru» Beýik Britaniýada şa zenany Ýelizaweta II-niň hatyrasyna ýedi müň brilliant bilen bezelen uly şaýy pul döredildi diýip, habar berýär.
Bu gaýtalanmajak el işi 8 ýurduň zergärleri tarapyndan ýasalyp, onuň öň tarapynda şa zenanynyň alty sany altyn portreti ýerleşdirilen. Arka tarapynda bolsa onuň soňky suratyndaky keşbi çekildi. Britaniýanyň baýdagy görnüşindäki gymmat bahaly daşlar bolsa boşlugy doldurýarlar.
Şaýy pul Ýelizaweta II-niň aradan çykmagynyň bir ýyllygy mynasybetli çykaryldy. Maglumatlara görä, bu pul birliginiň ululygy basketbol pökgüsine deňdir. Gymmat bahaly şaýy puluň bahasy 23 million dollardyr. Satylan ýagdaýynda, ol dünýädäki iň gymmat teňňe bolar.
Laçyn DURDYLYÝEWA,
Türkmen oba hojalyk institutynyň talyby.
