Türkmenistanly ýaş gimnastikaçylar Özbegistanyň Daşkent şäherinde geçirilen halkara ýaryşda medallaryň 20-sine mynasyp boldular. Fiza Aýwazowanyň şägirtleri altyn medallaryň 12-sini, kümüş medallaryň 7-sini we bir sany bürünç medal gazanmagy başardylar. Bu barada «Türkmenistan». gazeti habar berýär.
Halkara ýaryşa türkmen türgenlerinden başga-da, Russiýa Federasiýasynyň, Ukrainanyň, Birleşen Arap Emirlikleriniň, Gyrgyz Respublikasynyň, Gazagystanyň, Özbegistanyň toparlary gatnaşdy. Ýaryşa Türkmenistandan wekilçilik eden 21 türgeniň 20-siniň medal gazanmagy iňňän ýokary netijedir. Bu netije ýurdumyzda sportuň gimnastika görnüşiniň geljeginiň parlakdygyny buşlaýar.
«TürkmenGazet».
