«Gazeta.ru» saýtynyň habar bermegine görä, «Titanik» gämisiniň ýolagçysy Ramon Artagaweýtia Gomesiň öz maşgalasyna ýazan iň soňky haty «Montewideo» auksionynda satyldy. Gäminiň ýolagçysy ýazan hatyny gämi heläkçilige uçramazdan birnäçe gün öň maşgalasyna ugradypdyr.
Maglumatlara görä, hat üç sahypadan ybarat eken. Gomes bu haty 12-nji aprelde, Irlandiýada «Titanik» gämisiniň soňky duralgasynda, Atlantik ummanyna girmezden öň poçta gutusyna oklapdyr. Bu hat urugwaýlynyň 1909-njy ýylda düşürilen suraty bilen bilelikde auksiona goýulyp, bu hat 12 müň dollara satylypdyr.
Döwrüniň iň uly ýolagçy gämisi hasaplanan «Titanik» gämisi 1912-nji ýylyň 14-nji aprelinde ilkinji syýahatynda aýsberg bilen çakyşyp, 2 sagat 40 minutdan soň gark bolýar. Gäminiň 1,5 müň töweregi ýolagçysy gark bolup, olardan diňe 712 ýolagça halas bolmak başardypdyr.
«TürkmenGazet».
