25-nji iýulda Lebap welaýatynyň Türkmenabat şäherinde halkara ýaryşlarda ýeňiş gazanýan türgenlerimize hormatly Prezidentimiziň adyndan gymmat bahaly sowgatlary gowşurmak dabarasy geçirildi. Bu barada “Türkmenistan” gazeti habar berýär.
Dabarada şu aýyň dowamynda geçirilen halkara ýaryşlaryň ikisinde — Gazagystanyň Astana şäherinde geçirilen Guşakly göreş boýunça dünýä çempionatynda hem-de Özbegistanyň Daşkent şäherinde mekdep okuwçylarynyň arasynda küşt boýunça geçirilen Aziýanyň çempionatynda baýrakly orunlara mynasyp bolan Lebap welaýatynyň türgenlerine hormatly Prezidentimiziň adyndan gymmat bahaly sowgatlar — ýurdumyzda öndürilen smart telewizorlar gowşuryldy. Bu iki ýaryşda gündogar sebitiň türgenleriniň bäşisi medallaryň ýedisine mynasyp boldular.
«TürkmenGazet».
