«Twitter» sosial ulgamynyň eýesi Ilon Mask logotipiniň gök guşdan «X»-a üýtgejekdigini habar berdi. Mask 23-nji iýulda, ýekşenbe gününde «Twitter»-iň täze dizaýnyny yglan etdi.
Maskyň pikiriçe, ýeterlik derejede gowy wariant tapylsa, täze logotipi indiki hepde çalşyp bolar. Mundan başga-da, ol «Twitter»-iň adyndan ýüz öwrüp biljekdigini öňe sürdi. Ol: «Ýakyn wagtda «Twitter» markasy we ýuwaş-ýuwaşdan ähli guşlar bilen hoşlaşarys» diýdi.
Şeýle hem Mask platformanyň deslapky reňkini gara reňke üýtgetmek üçin ses berişlige başlady. «Twitter»-i satyn alandan soň, Ilon Mask platforma üýtgeşmeler girizip başlady. Ulanyjynyň hakykylygyny görkezýän gök belgi almak hukugy diňe pul üçin girizildi. Şeýle hem Mask ulanyjylaryň okamagy üçin elýeterli ýazgylaryň sanyna çäklendirmeler girizdi.
«TürkmenGazet».
