Şu gün — 22-nji iýulda säher bilen paýtagtymyzdaky Çagalar we ýetginjekler köşgüniň öňündäki meýdançada mekdep okuwçylaryny tomusky dynç alyş möwsüminiň üçünji tapgyryna ugratmak dabarasy geçirildi.
Dabarada ýaýbaňlandyrylan meşhur çagalar toparlarynyň şadyýan aýdymlary we şowhunly tanslary, sahna oýunlary çagalar üçin döredijilik sowgady boldy. Paýtagtymyzdan hem-de welaýatlardan gelen çagalar baýramçylyk äheňinde bezelen awtobuslarda tomusky başdan geçirmelere tarap ugradylar.
Maglumat hökmünde belläp geçsek, 14-nji iýulda geçirilen Türkmenistanyň Ministrler Kabinetiniň giňişleýin mejlisinde habar berlişi ýaly, 2-nji iýunda tomusky dynç alyş möwsümine badalga berlip, çagalar sagaldyş-dynç alyş merkezlerinde çagalaryň 11 müňe golaýy dynç aldy.
«TürkmenGazet».
