Golaýda goňşy Täjigistanyň paýtagty Duşenbe şäherinde ýaş aýdymçy-sazandalaryň, hor toparlaryň arasynda geçirilen halkara bäsleşigine türkmenistanly ýaşlar hem gatnaşdylar.
Dünýäniň ençeme döwletlerinden gelen ýaş sungaty söýüjiler özara tejribe alyşmaga, döredijilik gorlaryny baýlaşdyrmaga mümkinçilik aldylar. Halkara bäsleşiginde ýurdumyza wekilçilik etmek Çärjew, Dänew etraplarynyň ýaşlaryna hem miýesser etdi.
Türkmenistanly ýaş sungaty söýüjiler ýekelikde aýdym aýtmakda, saz çalmakda öz ussatlyklaryny, ukyp-başarnyklaryny görkezdiler.
«TürkmenGazet».
