Madridiň «Atletiko» klubunyň hüjümçisi Alvaro Morata ýene «A» Seriýa dolanyp biler. Ol mundan öň Italiýada «Ýuwentusyň» abraýyny gorapdy.
«Correira Della Sport» žurnalistleriniň habar bermegine görä, «Roma» toparynyň baş tälimçisi Joze Mourinyo bu ispan oýunçysy bilen gyzyklanýar. Portugaliýaly tälimçi Alvarony hüjüm liniýasyny güýçlendirmek üçin ileri tutulýan wariant hökmünde kesgitledi.
Moratanyň bahasy 20 million ýewrodyr. Onuň häzirki şertnamasynyň möhleti 2024-nji ýylyň tomsuna çenlidir.
Ýatlap geçsek, Alvaro geçen möwsümde La Ligada 36 gezek oýnap, 13 gol we 2 asist geçirdi.
«TürkmenGazet».
