Dünýäde ilkinji bolup Täze Zelandiýa dükanlarda plastik torbalary ulanmaga gadaganlyk girizdi. Täze karar hökümetiň plastika garşy döreden kompaniýasynyň bir bölegi bolup, bu karar şu ýylyň 1-nji iýulynda güýje girdi. Bu barada «NZ Herald» neşiri habar berýär.
Bu gadaganlyk bir gezek ulanylýan torbalara we gap-gaçlara degişlidir. Täze Zelandiýanyň paýtagty Wellingtonda ýene-de iki ýyldan ähli polistirol iýmit gaplamalary gadagan ediler diýlip çaklanylýar. Täze Zelandiýanyň daşky gurşaw ministrliginiň habar bermegine görä, her ýyl ýurduň ýaşaýjysy 60 kilogram plastik galyndylary zir-zibil dökülýän ýerlere zyňýar, şunuň bilen bir wagtda onuň diňe 5%-i ýurtda gaýtadan işlenilýär.
«TürkmenGazet».
