Türkiýäniň «Fenerbahçe» toparynyň düzüminde çykyş eden ýaş futbolçy Arda Güleriň transfer habary barada birnäçe habarlar neşir edilipdi. Ýaş futbolçy bilen Ispaniýanyň 2 ägirt futbol topary bolan – «Real Madrid» hem-de «Barsleona» gyzyklandy.
Ýöne muňa garamazdan ýaş türgen Güler «Real Madrid» toparyny saýlady. «Real Madrid» toparynyň ýolbaşçysy Florentina Perez bilen Arda Güler şertnama gol çekdiler. Türk futbolçy 6 ýyllyk şertnama baglaşdy.
Güler ispan toparynda 24 belgili köýnekçe bilen çykyş eder. Ol şertnama gol çekenden soňra beren beýanatynda şeýle diýdi:
«Durmuşymyň iň üýtgeşik güni. Bu toparda üstünlikli çykyş edip, meşhur bolmak isleýärin. Bu topary saýlandygyma örän şat. Meni goldaýanlaryň hemmesine köp sag bolsun aýdýaryn. Madridiň uly mirasy bar. Ronaldo, Mesut Özil, Guti we Zidan ýaly meşhur futbolçylar bu toparda oýnady we men hem olardan biri bolmak isleýärin».
Arda Güler «Fenerbahçede» geçen möwsümde 20 oýunda 4 gol geçirdi.
«TürkmenGazet».
