«Forbes USA»-nyň habaryna görä, Ýan Wermeriň işlerine bagyşlanan ekspozisiýasy 2023-nji ýylda dünýäde iň meşhur sergi boldy. Gollandiýaly suratkeşiň çeken köp sanly eserini synlamaga 113 ýurtdan 650.000 adam gelipdir.
Mälim bolşy ýaly, Wermeriň sergisi Reýksmuzeumda şu ýylyň 10-njy fewralyndan 4-nji iýuny aralygynda geçirilipdi. Ekspozisiýanyň çäklerinde suratkeşiň biziň günlerimize gelip ýeten 37 ykrar edilen eseriniň 28-isi hödürlendi. Amsterdamdaky ekspozisiýada hödürlenen eserleriň käbiri Niderlandlarda öň görkezilmändir.
«TürkmenGazet».
