Bütin dünýä ýüzündäki deňizlerde ýaşaýan jandarlaryň görnüşleri 250 müňden gowrakdyr. Diňe deňizde ýaşaýan jandarlar bolman, eýsem, gury ýerde ýaşaýan janlaryň hem sany örän kändir.
- Dünýädäki iň uly jandar gök kitdir. Bu läheňleriň uzynlygy 30 metre çenli bolýar. Olaryň agramy 150 tonna çenli bolup, 150 sany kiçi maşynlaryň agramyna deňdir.
- Dünýäniň iň uly läheň balygy akuladyr. Olaryň boýy 15 metr, agramy 30-40 tonnadyr.
- Dünýäde diňe suwda ýüzýän balyklar bolman, eýsem, uçýan balyklar hem bardyr. Uçýan balyklar ýüzgüçleriniň kömegi bilen sagatda 50 km ýüzende uçup bilýärler. Olary gomlar ýa-da şemal uçuryp gäminiň üstüne taşlaýsa, uçup gaýtadan suwa düşüp bilmeýärler.
- Pandalar çekinjeň haýwanlardyr. Olar adamlaryň ýaşaýan ýerine golaý ýerlerden gaça durýarlar. Pandalaryň esasy iýmiti bambuk agajydyr.
- Belkalar sowukda we Gün şöhlesinden goranmak üçin guýruklaryny saýawan hökmünde ulanýarlar.
- Dünýädäki iň uly hem agyr guş düýeguşdyr. Olaryň boýy 2,5 metr bolup, awtobusyň beýikligi bilen deňdir.
- Gurbaga iň duýujy jandarlaryň biri bolup, ýeryranma hadysasyny birnäçe gün öňünden duýýar.
- Garagum çölünde duş gelýän süýrenjileriň iň ulusy zemzendir. Uzynlygy 1,5 metre ýetýän bu haýwany “Çöl krokodili” diýip hem atlandyrýarlar.
Dünýägözel ÇARYÝEWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 4-nji ýyl talyby.
