Şu ýylyň 20-nji iýunynda Saud Arabystanynyň Al-Nasr toparynyň 38 ýaşly meşhur hüjümçisi Kristiano Ronaldo 2024-nji ýyldaky Ýewropa çempionatynyň saýlama tapgyrynyň dördünji tapgyrynda Islandiýanyň milli ýygyndysy bilen oýundan öň Ginnesiň rekordlar kitabyndan şahadatnama almagy başardy. Bu duşuşyk onuň milli ýygyndydaky 200-nji oýny hökmünde hasaba alyndy. Netijede, Ronaldo IFFHS-niň maglumatlaryna görä, ol milli ýygyndyda 200 duşuşyk geçiren ilkinji futbolçy bolup hasaba alyndy. Mundan öň malaýziýaly Son Çin Ann 219 duşuşyk geçiripdir. Ýöne onuň duşuşyklarynyň 24-si Olimpiýa ýygyndynyň düzümindäki resmi däl duşuşyklardyr. Şol sebäpli Ronaldo bu ugurda rekordyň eýesi bolmagy başardy.
Islandiýa – Portugaliýa duşuşygy 1-0 hasabynda myhmanlaryň peýdasyna tamamlandy. Häzirki wagtda Ronaldonyň milli topardaky gollarynyň sany-da 200 oýunda 123-e ýetdi.
«TürkmenGazet».
