Türkmenistanyň Prezidentiniň «Türkmeniň Altyn asyry» bäsleşiginiň çäginde höwesjeň aýdymçy ýaşlaryň arasynda yglan edilen «Ýaňlan, Diýarym! — 2023» telebäsleşiginiň Ahal welaýaty boýunça jemleýji tapgyry geçirildi.
Änew şäherindäki Medeniýet öýüniň öňündäki giň meýdançada geçirilen dabara welaýatyň etraplaryndan deslapky gözden geçirişlerde saýlanan aýdymçylaryň 10-sy owadan toý sahnasyna ajaýyp çykyşlary bilen ruhubelentlik çaýdylar. Olar telebäsleşigiň şertleri esasynda estrada, halk we nusgawy aýdymlary ussatlarça ýerine ýetirdiler.
«Ýaňlan, Diýarym! — 2023» telebäsleşiginiň welaýat boýunça jemleýji tapgyrynda Ak bugdaý etrabyndaky 8-nji orta mekdebiň mugallymy, höwesjeň aýdymçy Batyr Şalarow hem-de şol etrabyň ýaşaýjysy, Türkmen döwlet ykdysadyýet we dolandyryş institutynyň talyby Gurbansoltan Annalyýewa ýeňiji bolup, bäsleşigiň döwlet derejesindäki tapgyryna gatnaşmaga hukuk gazandylar. Welaýat bäsleşiginiň ýeňijilerine gymmat bahaly sowgatlar gowşuryldy.
«TürkmenGazet».
