Pyşbaga iň haýal ýöreýän jandarlaryň biri hökmünde ählimize mälimdir. Çarlz Darwin ýörite synag edip, pyşbaganyň çaltlygyny hasaplanda, ol bir sagadyň dowamynda 300 metr ýol geçipdir.
Ýer ýüzündäki ösümlikleriň köp görnüşleri geljekde boljak howanyň ýagdaýyny öňünden duýýarlar. Şonuň üçin synçy, duýgur adamlar şeýle ösümlikleri öwrenmek bilen hem geljekki howanyň ýagdaýyny çaklap bilýärler.
Gara çekirtgeler ganatlarynyň aşagyndan çyrlap ses çykarýarlar, aýaklary bilen bolsa eşidýärler. Çünki öň aýaklarynyň injiginde ýerleşen agymtyl tegmil çekirtgeleriň gulagydyr.
Garynjalaryň aýagyna zeper ýetende, olar birekbirege kömege gelýärler. Daşyndan seredeniňde, iki sany garynja uruşýan ýaly bolup görünýär. Ýöne, hakykatda weli, bir garynja aýagyna zeper ýeten beýleki garynjanyň hiç zada ýaramajak aýagyny goparyp taşlaýar.
Keýik owlagy dünýä inen badyna ylgap, ördegiň jüýjesi bolsa ýüzüp bilýär.
Sabina ZAKIRJANOWA,
Magtymguly adyndaky Türkmen döwlet uniwersitetiniň himiýa fakultetiniň 1-nji ýyl talyby.
