1963-nji ýylyň 18-nji oktýabrynda ilkinji gezek kosmosa pişik uçurylypdyr. Agramy 2,5 kg bolan «Félicette» atly pişik Fransiýanyň kosmos maksatnamasynyň çäklerinde Alžirdäki kosmodromdan uçurylypdyr. Pişigiň atmosferanyň daşyna eden syýahaty şowly tamamlanýar.
Pişikler dünýäniň ähli halklarynda iň köp ýaýran öý haýwany hasaplanýar.
Pişigiň ilkinji karikaturasy «Felix the cat» ady bilen 1919-njy ýylda çap edilýär.
Pişik bilen syçanyň arasyndaky başdangeçirmeler barada gürrüň berýän «Tom we Jerri» multfilmi ilkinji gezek 1940-njy ýylda tomaşaçylara görkezilipdir.
Gaplaňlar hem pişikler maşgalasynyň wekili bolup, iň uly gaplaňyň uzynlygy 3,6 metr, agramy 300 kilogramdan geçýär.
Pişigiň burnunyň her tarapynda 12 murty bolýar.
Pişikler oýa wagtynyň üçden bir bölegini arassalanmak bilen geçirýärler.
Pişikler gije-gündiziň üçden iki bölegini, ýagny 16 sagadyny ýatyp geçirýärler.
Isle gyş bolsun, isle-de ýaz, pişikler özleri üçin iň gowy temperaturaly ýeri tapyp, şol ýerde ýatýarlar.
Pişikler öz bedeniniň 5-6 essesi ýaly aralyga böküp bilýärler.
Öý pişikleriniň agramy 4-5 kilogram aralygynda bolýar.
Dünýäde 500 milliondan gowrak öý pişiginiň bardygy çaklanylýar.
Pişikler adamdan has çalt ylgaýarlar.
Pişikler ortaça 12-15 ýyl ýaşaýarlar.
Serdar ATABAÝEW,
Türkmenistanyň Döwlet energetika institutynyň 3-nji ýyl talyby.
