Üç sany kyn zat bar: syr saklamak, boş wagtyňy derekli ulanmak, göwnüňe degenlerinde özüňi saklamak.
Üç zada: açgözlüge, ukyňa, gahar-gazabyňa erk etmegi başar.
Üç zada: eliňe, diliňe, biliňe bek bol.
Üç zatdan: ata-eneňden, ylym ataňdan, duzdan özüňi uly saýmak – külli günä.
Üç zatdan doýup bolmaýar: ýalançynyň ýazyndan, didardan, mukamdan.
Üç adamyň deňinden biparh geçilmeýär: hassanyň halyny sora, mätäje rehim et, teşnä suw ber.
Üç ýerde kän eglenilmeýär: dilege barlanda, hassa soralanda, ajy habar eltilende.
Üç zat ynsan mertebesini beýgeldýär: salam bermek, ejize hemaýat etmek, hassa soramak.
Üç adamyň dilegi kabul bolýar: ejiziň, hassanyň, takwa kişiniň.
Üç zat: köp iýmek, köp ýatmak, köp gürlemek saglyga zyýan ýetirýär.
Üç zat ömrüňi uzaldar: halal zähmet çekmek, köp ýatmazlyk, ýaramaz endiklerden daşda durmak.
Zähmet üç dertden halas edýär: tukatlykdan, azgynlykdan, mätäçlikden.
Gowy ýaşaýşy üpjün edýän üç zat: kanagatlylyk, sabyrlylyk we dokmädelik.
Üç ýerde adamy tanap bolýar: uzak ýola ýoldaş bolup, duldegşir goňşy bolup, ekin şärigi bolup.
Taýýarlan: Ergeş AMANDURDYÝEW,
Türkmenistanyň Döwlet energetika institutynyň 1-nji ýyl talyby.
