Bathyzyň giň gujagy ösümlikler bilen bir hatarda haýwanlara hem baýdyr. Goraghananyň haýwanat bagyndaky dag goçuny, dag tekesini, keýikleri golaýdan synlamak has-da gyzykly.
Türkmenistanyň “Gyzyl kitabyna” girizilen keýikleriň sany XX asyrda örän azalypdyr. Keýik, ýagny jeren türkmen tebigatynyň iň bir päk, iň bir owadan gözellikleriniň biridir. Onuň gözelligini, gylyk-häsiýetini söýen ata-eneler gyzlaryna Jeren, Keýik ýaly atlary dakýarlar. Keýik goşatoýnaklylar toparyna degişli bolmak bilen şahlary inçeden ýiti bolup, gyn şahlylar maşgalasyna girýär.
XX asyryň başlarynda biziň ýurdumyzda 250-300 müňe golaý keýik bolan bolsa, geçen asyryň ikinji ýarymynda olaryň sany örän azalýar.1950-nji ýyldan bäri keýikleri awlamak gadagan edildi. Türkmenistanyň “Gyzyl kitabyna” girizilen keýikler daglarda, düzlerde, çöllerde, ýaýlalarda erkana gezýärler. Türkmen tebigatynyň özboluşly baýlygyna öwrülen jerenleri goramak, olaryň köpelmegine ýardam etmek türkmen tebigatynyň haýwanat dünýäsiniň köpdürliligini goradygymyz, ekologiýa abadançylygyna goşant goşdugymyz bolar.
Tebigatyň ýagty jahana gözellik hökmünde peşgeş beren keýiklerine penakär bolalyň! Olar sonarly ýaýlalarda ýaýnap gezsinler!
Yhlasmyrat AGAMYRADOW,
Türkmenistanyň Döwlet energetika institutynyň 1-nji ýyl talyby.
