- Meniň her bir duşan adamym, haýsam bolsa bir meselede menden artykmaç. Men şol zady ondan öwrenmelidirin.
- Özümizi alyp barşymyzyň esasynda biziň pynhan arzuwlarymyz ýatyr. Şonuň üçinem kimdir biri kime-de bolsa birine bir iş etdirmegi ýüregine düwen bolsa, işdemi, öýdemi, mekdepdemi ýa syýahatdamy, tapawudy ýok, onuň üçin iň gowy maslahat şeýledir: öňürti gürrüňdeşiňizde bir zada ölemen isleg dörediň. Kimde-kim şuny başarsa, dünýä emrini ýöreder, başarmadyklar bolsa ýalňyz galar.
- Eger adama zerurlygy bolmadyk bir zady ýöne öwredip goýberseň, ol hiç haçan hiç zady öwrenmez.
- Öz şahsyýetiňiz bilen illeri gyzyklandyryp, iki ýylda gazanjak dostuňyzdan, özgeleriň şahsyýeti bilen gyzyklanan iki aýyňyzda, öňki iki ýyldakydan köp dost gazanyp bilersiňiz.
- Başgalar biz bilen gyzyklananda, bizem olar bilen gyzyklanýarys.
- Adamlarda täsir galdyrmak we özümiz bilen olary gyzyklandyrmak arkaly dost gazanmaga çalyşsak, onda biziň hakyky, ýürekdeş dostumyz köpelmez. Dostlar, onda-da hakyky dostlar satyn alynmaýar.
- Öz ýoldaşlary bilen gyzyklanmaýan adam durmuşda örän uly kynçylyklary başyndan geçirýär we töweregindäki adamlara iň köp zyýan ýetirýär. Edeni ugruna bolmaýanlar diňe şuňa meňzeş adamlaryň tarapyndan çykýar.
- Biziň hemmämize bize haýran galmak bilen seredýän adamlar ýaraýar.
Toplan Söhbet HOJAMUHAMMEDOW,
TMÝG-niň Bäherden etrap geňeşiniň guramaçylyk bölüminiň müdiri.
