Tomaşaçylar tarapyndan rekordyny täzelän «Awatar» filminiň birinji bölümi tomaşaçylardan we kino tankytçylaryndan gowy baha aldy. Iň köp garaşylýan ikinji filmiň dowamy bolan «Awatar: Suw ýoly» 13 ýyldan soň bütin dünýäde tomaşaçylary bilen duşuşdy. Çykan ilkinji hepdesinde dünýä kassa ýygymynda-da uly üstünlik gazanan «Awatar» filmindäki gahrymanlaryň näme üçin gök reňkdedigi baradaky mowzuk öňe sürüldi.
«Dünýäde iň köp girdeji gazanan film» adyna eýe bolan Awatar, 13 ýyldan soň wizual effektleri bilen kino tankytçylar we tomaşaçylar tarapyndan gowy baha aldy. Filmiň gahrymanlary bolan Awatarlaryň näme üçin gök reňkdedigi ähli adamlara gyzyklydy. Geçen 2022-nji ýylyň 16-njy dekabrynda uly ekrana gaýdyp gelen filmiň režissýory Jeýms Kameron Na’Vi diýilýän adamlaryň näme üçin gökdigi barada beýanat berdi. Bu adamlaryň derisiniň reňkiniň näme üçin filmde gökdigi barada häzirki wagta çenli hiç wagt düşündirilmändi.
Filmiň režissýory Jeýms Kamerondan «Empire» žurnaly bilen geçiren söhbetdeşliginde: «Reňk meselesine gelsek, ýaşyl reňk köp ulanyldy. Filmlerde ýaşyl gelmişekleriň ulanylmagynyň giň taryhy ýoly bar. Elbetde, «Hulk» häsiýeti hem bar. Ýene bir tarapdan gülgüne we goňur reňkler adamlara degişli bolup durýardy. «SpongeBob» sary reňkdedi. Kiçikäm ejem maňa uzyn gök aýallar hakda bir düýş gürrüň beripdi. Şol wagt hem kellämde ajaýyp bir surat peýda bolupdy. Bu suraty hyýalymda janlandyrypdym. Netijede, gök ýa-da gyrmyzy reňkde bolmaly diýen karara gelipdim. Gyrmyzy halaýan reňkim, ýöne muňa garamazdan ahyrky netijämizde gyrmyzyny däl-de gök reňki ulanmaga karar berdik» diýip, belläp geçdi.
«TürkmenGazet».
