Peterýan Giýs we Arnout Wan Waerenberg atly belgiýaly ýaş binagärler «Açyk asmanyň astyndaky sungat» atly taslamanyň çäklerinde Borglon şäherinde täsin ybadathanany gurupdyrlar. Binagärler bu ybadathanany «Setir arasyny okap» diýip atlandyrýarlar. Täsin binagärlik çözgütlerine eýe bolan bu ybadathana gelen adamlar Günüň dürli wagtlarynda ýagtylygyň we kölegäniň döredýän gözelliklerinden lezzet alýarlar.
Beýikligi 10 metre golaý bolan bu binanyň gurluşygynda 2 müňe golaý metal gurnama bölekleri ulanylyp, olaryň umumy agramy 30 tonna barabar bolupdyr. Binada ýerli ybadathanalaryň binagärlik aýratynlyklaryndan peýdalanylypdyr.
Leýli AGAJANOWA,
S.A.Nyýazow adyndaky TOHU-nyň Türkmenabat agrosenagat orta hünär okuw mekdebiniň talyby.
