2022-nji ýylda Katarda geçirilen dünýä çempionatynda Argentina 36 ýyl aradan soň 3-nji gezek ýeňiji bolmagy başardy. Finalda Fransiýa bilen ýüzbe-ýüz bolan Argentinanyň üstünlikli futbolçysy Di Mariýa kubogy meýdançada ýokary galdyryp çempionlygy baýram etdi. Duşuşyga tomaşa etmek üçin Katara gelen dünýä belli fenomen gassap Nusret Gökçe futbol meýdançasyna girip Di Mariýa bilen wideo çekdi.
Etli düşüren wideolary bilen meşhur Nusret Gökçe, Di Mariýanyň kuboga eýe bolmagyna hoşallygyny bildirip, «Woww» diýip seslendi.
Instagramda 48,9 million abunaçysy bolan Nusret, Di Mariýa bilen çeken wideosyny paýlaşmakdan ýüz öwürmedi.
«TürkmenGazet».
