Dubaýyň söwda merkezinde ýerleşýän äpet akwarium arkaly deňiz ýaşaýşyna syn etmek bolýar.
10 million litr suw sygýan akwarium galyňlygy 750 millimetrlik dury aýnadan edilendir. Onuň uzynlygy 51 metr, ini 20 metr bolup, beýikligi 11 metre barabardyr. Akwariumda dürli deňiz jandarlarynyň 140 görnüşi, skat balyklarynyň we akulalaryň 300-den gowragy bar. Akulalaryň käbiriniň agramy 160 kilogramdan geçýär. Akwariumyň ortasyndan uzalyp gidýän 48 metrlik ötelge daş-töweregiň gözelliklerini synlamaga mümkinçilik berýär. Ol Günüň wagtyna görä yşyklandyrylýar. Akwariumyň aşagynda ýerleşýän haýwanat bagynda pingwinler, düwlenler, ýylanlar we beýleki süýrenijiler bar.
Bu ýerde suwa çümmek we ýüzmek, gämide gezelenç etmek, skatlary we akulalary iýmitlendirmek ýaly güýmenjeler hem göz öňünde tutulandyr. «Umman mekdebi» atly maksatnama boýunça ummanda ýaşaýan jandarlaryň we ösümlikleriň durmuşyndan leksiýalar, sapaklar berilýär.
Dinara KULMATOWA,
S.A.Nyýazow adyndaky TOHU-nyň Türkmenabat agrosenagat orta hünär okuw mekdebiniň talyby.
