Twitter ýakyn wagtlarda birnäçe ýyl bäri girilmedik 1,5 milliard hasaby pozar. Bu barada Twitter -iň eýesi, telekeçi Ilon Mask öz sahypasynda habar berdi. Has takygy birnäçe ýyl bäri twit ýazylmadyk ýa-da girilmedik hasaplar pozular.
Ilon Mask 27-nji oktýabrda bu kompaniýa üçin 44 milliard dollar töläp, Twitter -i satyn almak barada şertnama baglaşypdy. Şondan soňra Mask sosial ulgamyň işgärleriniň ýarysyna golaýyny işden aýyryp, galanlaryna ýokary intensiwlik bilen işlemegi duýurypdy. Käbir çykan habarlara görä, bu wakalar platformany goldamak üçin möhüm işgärleriň köpüsi Twitter -den çykarylypdyr.
«TürkmenGazet».
