Golaýda paýtagtymyzyň «Ýyldyz» myhmanhanasynyň maslahatlar zalynda Ýewropada Howpsuzlyk we Hyzmatdaşlyk Guramasynyň Aşgabatdaky merkeziniň guramagynda «Žurnalistleriň hukuklary we borçlary» atly iki günlük okuw maslahaty geçirildi.
Maslahatyň başynda ÝHHG-niň Aşgabatdaky merkeziniň ýolbaşçysy, ilçi Jon MakGregor söz sözläp, žurnalistikanyň jemgyýetçilik durmuşyndaky orny barada durup geçdi. Maslahata sanly ulgam arkaly britaniýaly hünärmen Marek Bekerman hem gatnaşdy.
Okuw maslahaty 1948-nji ýyldan bäri 10-njy dekabrda dünýä derejesinde bellenilýän Adam hukuklarynyň halkara gününe bagyşlandy. Maslahatyň ahyrynda oňa gatnaşyjylara ÝHHG-niň Aşgabatdaky merkeziniň şahadatnamalary gowşuryldy.
«TürkmenGazet».
