17 — 27-nji dekabrda ýurdumyzda Türkmenistanda ilatynyň we ýaşaýyş jaý gorunyň uçdantutma ýazuwy geçiriler.
«Ilat ýazuwy — 2022: Jebislik, Bagtyýarlyk, Röwşen geljek» şygary astynda Watanymyzda ilkinji sanly ilat ýazuwy hökmünde taryhyň gatlaryna altyn harplar bilen ýazyljak Ilat ýazuwynda:
— Ýaşaýyş jaýy we ýaşaýyş jaýy baradaky maglumatlar;
— Ýaşaýyş jaýynyň gurlan senesi;
— Otaglaryň sany;
— Jaýyň eýeçiliginiň görnüşi;
— Gaz, suw, tok we internet bilen üpjünçiligi;
— Jaýda ýaşaýanlaryň sany;
— Jaýda ýaşaýanlaryň jynsy, ýaşy, maşgala ýagdaýy, bilim derejesi we beýlekiler hasaba alnar.
Ýurdumyzda geçiriljek döwlet ähmiýetli çärelere halkymyzyň agzybirlikde, jebislikde gatnaşmagy üçin Statistika baradaky döwlet komiteti ýakyn wagtda geçiriljek bu köpçülikleýin çäre barada raýatlara SMS habarnamasyny iberdi. UNFPA bolsa zerur enjamlary — güýçli kompýuterleri, serwerleri satyn almaga ýardam edip, bu döwrebap enjamlar planşetlerdäki maglumatlaryň Statistika baradaky döwlet komitetiniň merkezi maglumatlar goruna awtomatik ýagdaýda girmegine mümkinçilik berer.
«Halkyň Arkadagly zamanasy» ýylynda geçiriljek Ilat ýazuwynyň esasy maksady ýurduň ilaty, demografiki düzümi we ilatyň durmuş şertleri barada döwlet we jemgyýetçilik ösüşiniň möhüm durmuş-ykdysady maksatnamalaryň ençemesinde beýanyny tapan döwlet we jemgyýetçilik ösüşiniň strategiýasyny üstünlikli durmuşa geçirmek üçin zerur bolan doly maglumat almakdan ybaratdyr. Munuň özi döwletimiziň mundan beýläk-de ösmegi üçin ygtybarly binýadyny goýmaga mümkinçilik berer.
Şoira FAIZOWA,
Lebap welaýatynyň Çärjew etrabynyň 30-njy orta mekdebiniň himiýa mugallymy.
