Duşmak bagtymyzda ýok eken biziň,
Başga bir näzenin ýar boldy maňa.
Belki, sen ezizim, ýeke-ýalňyzsyň,
Goşa görünmäge utanýan saňa.
Ýyllar mende goýdy ýakymsyz yzyn,
Gözlerim üýtgemän galypdyr diňe.
Belki, sen henizem owadan gyzsyň,
Goja görünmäge utanýan saňa.
Dünýäniň ümzügi gyşadyr indi
Dünýäniň ümzügi gyşadyr indi,
Serçeler sürlenip-sürlenip uçýar.
Eger ahmal bolsaň, üşeder indi,
Serçeler sürlenip-sürlenip uçýar.
Tebigatyň güň diline guş düşer,
Güýz gününe dawa edip gyş düşer.
Haýwan-ynsan öňküsinden ysnyşar,
Serçeler sürlenip-sürlenip uçýar.
Italmaz AKMYRADOW.
